Bumuo ng 2 kopanan ang www.Tanglawbuhay.com, sa kategoriyang BC at C bilang mga kinatawan ng nasabing website sa kasalukuyang palaro sa tennis ng ATPR (Association of Tennis Players in Riyadh).  Ang palaro ay ginaganap sa Tennis Complex ng Al Yamamah Hotel sa Riyadh.  Ito ay nagsimula noong ika-7 ng Febrero nitong taon at matatapos sa Abril 18, 2008.

ni Ahmad Peradilla

Ang Islamikong pananaw hinggil kay Hesus ay nasa pagitan ng dalawang napakamalabis na panig. Ang unang panig ay ang mga Hudyo na tumangging tanggapin si Hesus bilang Propeta ng Diyos at tinawag siyang mapagpanggap o impostor. Ang ikalawang panig ay ang makabagong Kristiyano na nagtuturing kay Hesus bilang Anak ng Diyos at sinasamba siya na tila baga siya ang Lumikha ng mga kalangitan at kalupaan.  Samantala, ang Islam ay nagtuturing kay Hesus bilang isa sa mga dakilang Propeta ng Diyos.  Kaya naman, mataas ang pagpapahalaga ng mga Muslim kay Hesus gayundin naman sa lahat ng mga Propeta ng Diyos, kabilang na rito sina Noah, Abraham, Moises, at Muhammad.  Ito ay tumutugma sa Islamikong pananaw hinggil sa kaisahan ng Diyos, kaisahan ng banal na patnubay, at ang kaugnay na bahaging ginampanan ng sumunod na misyon ng mga Sugo ng Diyos.

ni Ahmad Peradilla

Sa Ngalan ng Allah, ang Mapagpala, ang Mahabagin

Ang Banal na Qur’an ang huling pahayag ng Diyos at pandaigdigang mensahe sa sangkatauhan. Ang Banal na Qur’an ay may mahalagang ginagampanan sa araw-araw na buhay ng mga Muslim.  Ang ugnayang panlipunan, bilang isang mahalagang bahagi ng buhay, ay may likas na kinalalagyan sa Islamikong batas ng patnubay na nababatay sa Banal na Qur’an, sa Hadith at sa mabuting halimbawa ni Propeta Muhammad (saws).  Sa panahon natin ngayon na maraming lipunang may iba't ibang pananampalataya, ang mga katuruan ng Islam ay higit na makahulugan at mahalaga sa ganitong pakikipag-ugnayan.